(Lesezeit: ca. 2:00 Minuten für an Bayern)
Januar-Wanderung vo Rißboch zum Schoofreita
Rißboch: a wuida Fluss auf'm Weg zur Isar
Wichtigs
- A schwarare Bergtour zum Schoofreita (2.101m) mid grandiosa Aussicht übers Karwendl, Dridsicha und Schwindlfrei miaßt's sei, am Gipfe Drohtseil,
1.150 Hehameta, Nauf ca. 3,5 Std., Obi ca. 2 Std. - O'geh duads am Leckbochweg Wandaparkblotz im Rißbochtoi
- Ei'kehrn ko ma in da Däiza Hüttn (vo Mitte Mai bis Mitte Oktoba)
Rißboch – a wuida Fluss auf'm Weg zur Isar
Rund 30 Kilometa schlängeld si da Rißboch durch's Rißtoi und macht aufm Weg am Element Wassa olle Ehr. Da wuide Fluß start sei Roaß im Karwendelgebirg z'Tirol, übaquaard nördle in Hintariaß de Grenz z'Bayern und mündt bei Vordariß (Gmoa Lenggrias) am Suivastoastauseä in d'Isar. Da Rißboch is eha a gmiatlicher Fluß, der im Friahjohr und Friahsomma durch d'Schneeschmejz aba ordendle an Fahrt aufnimmt. Deshoib guit da Rißboch a ois oana da beliabsten Wuidflüß Bayerns für d'Wassersportla. Aba a d'Fotografm gfrein si an da natürlichn Schönheit des wuidn Wassas und finden do a Hauffa scheene Motiv. Zmoi da Rißboch zu jeda Jahreszeit sein ganz eigna Reiz vaspriad, wia a des Wintabuidl vom Rißboch auf Heh' da Grenz zu Österreich zoagt. Do zoagt's Element Wassa glei drei seiner Gsichta: ois fliaßends Wassa sowia ois woacha Schnee und gformts Eis.
FotoclubWOR.jpg "Element Wassa: Rißboch in Lenggries")
Gipfetour aufm Schoofreita:
Vom Wandaparkblotz aus genga mia aufm ausgwiesna Forstweg und na übern kurvign Wanderstoag durch'n Bergwoid nauf zur Daizä Hüttn (1.825m), de ma nochra 2 Stund Aufstieg erreicha. D'Hüttn ligd im Sattl vom Schoofreita und Delpsjoch. Glei hinta da Hüttn gäd da Stoag zum Gipfe ob, der zerst durch Laatschn nauf zum Grod und na durch fejsige Schrofa durch zum Gipfe fiahrt. De 270 Hehameta zum Gipfe fordan Dridsichaheid und Schwindlfreiheit, teilweis is a Klettern noadig. S'letzte Stückl is mid Seiln gsichert. Obi gäds an seijbm Weg.
(Wer ned aufs Auto o'gwiesn is, ko für'n Obstieg a an andan Weg weijn, wie übern Nordwestgrod und am Käibaeck zur Oswoidhüttn im Rißbochtoi oda übern Delpsseä, an Stierjoch, da Lerchkogloim und am Dürrochtoi auf Foi.)
Wandarutn
Bittschen aufbassn: Wegen de aktuellen Corona-Schutzmaßnahmen konns zu Einschränkunga kema. Schauns bitte vorher no de lokalen Regelungen o!
Disclaimer
Die Verwendeten Bilder und Texte (in hochdeutsch) zu dieser Wanderung wurden uns freundlicherweiße vom Fotoclub Wolfratshausen zur Verfügung gestellt.
Foto: © Sandra Ilmberger / Text: © Andy Ilmberger, Sandra Ilmberger
Für die Richtigkeit der Angaben und für Schäden jeglicher Art im Zusammenhang mit den aufgeführten Wandervorschlägen übernehmen wir keine Haftung. Dies gilt insbesondere für den Zustand der zu benutzenden Wege. Die Benutzung der Straßen und Wege erfolgt ausschließlich in Eigenverantwortung. Bei den Zeit- und Streckenanageben handelt es sich um Richtwerte. Bitte besorgen Sie sich vor Beginn einer Tour das entsprechende Kartenmaterial und ggf. die passende Ausrüstung!