(Lesezeit: ca. 1:00 Minute für an Bayern)
April-Wanderung „Icking"
A wahnsinns Blick aufs Karwendelgebirg
Wichtigs
- A leichte Rundumwanderung, 6,9 km, um de 2 Stund'
- Einkehrn kinnas im Landgasthof Rittergütl oda im Landhotel-Restaurant Klostermoar am Bahnhof z´Icking
- Parken a am Bahnhof z´Icking
Icking
Icking geht auf a Siedlung zur Zeit da Völkerwanderung im 6. Jahrhundert zruck.
De Schreiberling noch hod si damois a freier Germane nieder glossn, den's "IKKO" gnannt hom. Zum ersten Moi hom´s "Ikkingen" oder a "Ichingen" na im Johr 806 n. Chr. in na Urkunden vom Kloster Schäftlarn erwähnt. De nächsten 1.000 Johr gibt’s nur wenig Quein über de Siedlungsgschicht vom Ort. Erst am End des 19. Jahrhunderts hods im Ort durchn Bau da Isartalbahn von Minga-Thalkircha nach Woifratshausen und spaada a bis nach Biche a rasche Entwicklung gebm. D'Ausflügler vo da Stodt san hauffaweis mit da Bahn ins Isartoi kemma um do de "Sommerfrischn" z'geniaßen und hom Icking na ois Ort für lange Spaziergäng'.
FotoclubWOR.jpg)
Icking im scheena Isartoi mit am wahnsinns Blick aus Karwendelgebirg'
Wanderung
Unsere Rundumwanderung fangt am Bahnhof z'Icking o.
Mia ganga auf da Nordseitn de Treppm nauf zum Egartsteig, Richtung Gymasium und weida in d'Ulrichstrass. In dera bleib ma bis zum Ulrichbergal, wo bis ins 19. Jahrhundert no a Woifahrtskirch gstandn is. Vo dem Bergal aus hod ma a wunderscheena Blick auf de Oipm. Am End vo da Straß hoit ma uns rechts auf da Ebenhauser Straß Richtung Irschenhausen, vorbei am Stockerweiher.
Es lohnt si da kloane Umweg nei an Neufahrner Weg um si do 's´Hollerhaisl' a bekannt ois "Pension Resi" vo da Fernsehserie "Der Bulle vo Taiz" o zum schaung, bevor ma na beim Landgasthof Rittergütl in da Ebenhauser Strass vorbei kimmt (Einkehrmeglichkeit).
Mi genga dann über d'B11, na rechts a Stückl weida bis na links weg auf Gut Hoizn geht. Da Weg geht üba a scheene Kastanienallee bis zur Reitschui. Nochm Guad biang ma links an Gregoriweg nei, der uns zruck auf Icking führt. Am End vom Weg genga ma no amoi über d'B11 und san in weniger Schritt' wieda am Ickinger Bahnhof.
Bittschen aufbassn: Wegen de aktuellen Corona-Schutzmaßnahmen konns zu Einschränkunga kema. Schauns bitte vorher no de lokalen Regelungen o!
Disclaimer
Die Verwendeten Bilder und Texte (in hochdeutsch) zu dieser Wanderung wurden uns freundlicherweiße vom Fotoclub Wolfratshausen zur Verfügung gestellt.
Foto: © Sandra Ilmberger/ Text: © Andy Ilmberger, Sandra Ilmberger
Für die Richtigkeit der Angaben und für Schäden jeglicher Art im Zusammenhang mit den aufgeführten Wandervorschlägen übernehmen wir keine Haftung. Dies gilt insbesondere für den Zustand der zu benutzenden Wege. Die Benutzung der Straßen und Wege erfolgt ausschließlich in Eigenverantwortung. Bei den Zeit- und Streckenanageben handelt es sich um Richtwerte. Bitte besorgen Sie sich vor Beginn einer Tour das entsprechende Kartenmaterial und ggf. die passende Ausrüstung!