(Lesezeit: ca. 2:00 Minuten für an Bayern)
Mai-Radltour durch Woifratshausen im Element Feier
zu de Drahort' vo „Hubert und/ohne Staller“
Wichtigs
- Abwechslungsreiche Radltour mid wunderscheene Ausblick´ und bekanntn Motivn aus da Kultserie, Dauer: ca. 31km, 2,5 Stund
- Start und Ziel: Marienplatz Wolfratshausen, Parkmöglichkeit: öffentlicher kostenpflichtiger Parkplatz an der Loisachhalle
- Einkehrmöglichkeit: Landhotel Huber am See in Ambach, Bäckerei Graf in Ammerland, Humplbräu Wolfratshausen
Sei Nama war Nepomuk, Johannes Nepomuk.
Eam zur Ehr gibt's z'Woifratshausen olle drei Johr (sofern des Corona zua losst) im Wonnemonat Mai a festliche Johannifloßprozession mid vui Fackeln und am Feierwerk zum Schluß. Bsonders d'Flößerfamilien da Stod dankn mid dem Heilign Johannes Nepomuk in seina Funktion ois Schutzpatron. Und wer war na der Johannes Nepomuk? Er is vermudle 1350 z'Pomuk bei Pilsn ois Johannes vo Nepomuk zur Wäid kemma und entstammte na deitsch-böhmischn Familie. Da Hansi verschrieb friah sei Lebm da Kirch. Mid 20ge war er scho Kleriker, mid 30ge Priesta und mid 40ge Erzdiakon. Eigentle goid Johannes Nepomuk sowoi im Deitschn Reich wia a in Tschechien be de Leid ois äußerst beliebt. Doch duach unglückliche Umständ is Johannes Nepomuk zwischn de Frontn der wäidlichn und geistlichen Machthaber kemma. Ois sei Erzbischof in Ungnadn gfoin is und fliehen hod kinna, hom's statt eam an Johannes Nepomuk 1393 verhaft und umbrocht, indem´sn vo da Karlsbruggn z'Prag in d'Moldau gschmissn hom. Da Legendn noch umsäumtn seine im Wassa treibende Leich fünf Flamman, weshoib de Buidhauer Johannes Nepomuk oft mid fünf Stern um sein Kopf obbuidlt hom. Bei de heitign Johannifloßprozessionen, de seit 1994 wieda stodfindn, leichtn weid mehr ois nur fünf Flamman. D'Woifratshausa Traditionsvereine soagn scho mid eanam Facklzug für a feirigs Spektakel. Dazua kemma zoilose Fackeln an Ufa und Bruggn. Kinda lossn zuadem kloane Lichtaflöß' ins Wassa, de de Hauptflöß' auf da Loisach vo da Johannisbruggn bis zum Kastenmuihwehr begleitn. Und natürle fejt bei da Prozession a ned da geistliche Segn vom Stodpfarra. A stimmungsvoi's Liachtafest da Nocht, welchs ma si ned entgeh lossn soit.
Radltour zu de Drahort´ vo „Hubert und/ohne Staller“
Woifratshausn is aba ned nur für de Flößazunft überoi bekannt, sondern is durch de Vorabend-Krimiserie „Hubert und/ohne Staller“ deitschlandweid brühmt worn. Auf de Spurn der zwoa bsondern Ermittler Franz Hubert (Christian Tramitz) und Johannes Staller (Helmfried von Lüttichau) radeln mia auf na wunderscheena Radltour zua zoireiche Drahort' der Kultserie (Fett im Text gschriem). Mia start'n am Woifratshauser Marienblotz (mit Rathaus, da Kirch St. Andreas und an Humpebrai) und fahrn auf dem ausgschuidldn Loisachradlweg bis noch Achmuih. In da Dorrmittn vo Achmuih foing ma am Wegweiser auf Boizwang und wieda noch Degerndorf. Z'Degerndorf biang ma links ob auf d'Hehabühlstraß und radeln weida auf da Dorfstraß bis zum Weiha. Am Weiha verlossn mia Degerndorf in südlicha Richtung und fahrn nauf zur Maria-Dank-Kapej (herrlicher Blick auf d'Oipm und am Starnberger Sä), vielleicht verbundn mid am Abstecher zum Landgasthof Berg. An da Kapejn gäd's weida noch Westn in Richtung Amboch/Hoizhausn. Mia kreizn d'Stootsstrass St2065 und radln vorbei am Schloßhotej Oberamboch obi zum Starnberger Sä. Do biang ma am Landhotej Huaba am Sä rechts ob und fahrn Richtung Nordn bis zur Schiffsanlagstäi Ammaland und zum Hotej am Sä. Do biang ma nomoi rechts ob auf d'Ammalanda Hauptstraß und findn noch 200 Meta auf da linkn Seidn d'Bäckerei Graf (Cafe Rattlinger) – a Kaffä und a Lebakaassemme is do a Muss. Mia foing da Straß bergauf bis zur Weipertshausa Straß, do na rechts noch Münsing nei und da Hauptstraß entlang bis zur Metzgerei Limm (ehem. Pathologie). Danoch foing ma rechts da Radlbeschuidarung noch Woifratshausn. Über de Fejda fahrn ma in östlicha Richtung und grodaus an Woid nei. Da Woidweg fiahrt schließle zur Hauptstraß, mia hoid'n uns links unta da Autobahn durch, an Berg obi, bis ma wieda auf'm Loisachradlweg san, der uns zruck zum Marienblotz bringt. Weidare Drahort z'Woifratshausn: Japanischa Gartn, Loisachbruggn Sebastianisteg, Loisachufa, Bahnhof, Isar-Loisach-Stadion, Märchenwoid.
Johannifloßprozession auf der Loisach
FotoclubWOR.jpg "Element Feuer: Johannifloßprozession Wolfratshausen")
Bittschen aufbassn: Wegen de aktuellen Corona-Schutzmaßnahmen konns zu Einschränkunga kema. Schauns bitte vorher no de lokalen Regelungen o!
Disclaimer
Die Verwendeten Bilder und Texte (in hochdeutsch) zu dieser Wanderung wurden uns freundlicherweiße vom Fotoclub Wolfratshausen zur Verfügung gestellt.
Foto: © Thomas Hirschmann / Text: © Andy Ilmberger, Sandra Ilmberger
Für die Richtigkeit der Angaben und für Schäden jeglicher Art im Zusammenhang mit den aufgeführten Wandervorschlägen übernehmen wir keine Haftung. Dies gilt insbesondere für den Zustand der zu benutzenden Wege. Die Benutzung der Straßen und Wege erfolgt ausschließlich in Eigenverantwortung. Bei den Zeit- und Streckenanageben handelt es sich um Richtwerte. Bitte besorgen Sie sich vor Beginn einer Tour das entsprechende Kartenmaterial und ggf. die passende Ausrüstung!