März-Radltour zum Birkensä

A wenn do ned s'Plantschen in am Woidweiha gmoant is, sondern eha s'Bodn in na Woidatmospähre. Dabei bedient ma si da Seijtenheit, dass a Woid in si a bsonders Klima buidet. De Baamkrona hoidn de Sonnastroin ob, daduach verdunstn d'Baam Wassa, wos wiederum zua na houchn Luftfeichtigkeit und niedrign Temperatur fiat. A groaßa Baam ko an oam warma Dog bis zu 200 Liter Wassa verdunstn. Zudem produziert er no ganz nembei Sauerstoff sowia ätherische Öle. Erfundn hom des Woidbodn d'Japaner. Sie nenna's "Shinrin Yoku" und bezeicha domid a Konzept der Naturtherapie zur Erholung von da steten Umwandlung und am Wachstum vo de Städte unserer Zeit. Jetz is a Aufenthoit im Woid eigentle nix Neis. Menschen olla Zeitoida lebtn seit jeher in Wäida und gwieß war a jeda vo uns scho moi im Woid spaziern oder wandern. Nei is aber, des mid am Naturtrainer oder Achtsamkeitstrainer z'doa: z'lerna, si auf'm Woid ei z'lossn, zu seng, zu hearn, zu riacha und an Zauba da Natur z'spührn. Do treffa de Elemente in reinsta Form aufeinanda, ganz bsonders dann, wenn mittn im Woid a no a idyllischer Sä liagt, wo do da Birkensä in da Näh z'Gejding-Geratsriad. Wer an Woid gäd, wird ausglichener und staada, ko Stress obbaun und die Gedanken sortiern. De positive Auswirkung aufm Hormon-, Immun-und Nervnsystem vom Menschen is duarch zoireiche Studien belegt. Und so gibt's ned nur z'Japan, sondern a bei uns im Däijzer Land a poor gführte Woidtouren (Mehr unta: toelzer-land/waldbaden). Wer na doch liaba auf eigene Faust s'Erlebnis Woid hom mechad, dem werd a Auszeit an Birkensä ans Herz glegt.