April-Wanderung im Element Luft

Kimmt noch am Reng d'Sonna zum Vorschein, leicht bisweiln a farbfrohs's Liachtspektakel am dunkln Gwitterhimme. Des passiert, wenn's Liacht vo da Sonn auf de unzählign Wassertropfm in da Regenfront drifft und si do in de Farbn des Farbnspektrums aufspoit. Na kinna mia an Regnbogn bwundern und es schaut so aus, ois hätt oana a bunts Bandl in d' Luft gmoit. Je noch Standpunkt des Betrachters is da Regnbogn aba meist nur ois Fragment zum seng. Städ ma ollerdings im richtign Winge zu de Wassatropfm und mid da Sonn im Ruggn, erscheint a weidera Bogn, der si am End as der Erd erhebt und am andan End wieda im Bodn vasinkt. A bsonders Prachtexemplar zoagt si do über'n Ejbocha Moor nordöstle vo Bad Däiz. S'Ejbocha Moor zähjd mid'm Kirchsä-, Babmstubner- und Schejnberg-Moor, am Kloster- und Leonhardsfuiz und de Loisach-Kochesä-Moorn zur Däizer Mooraxn. Sie buid a 30km lange Axn vo morreichn Naturschutzgebietn, de ned nur landschaftliche Bsonderheitn aufwartn, sondern a zur Erkundung vuia hoamischen Pflanzn- und Viechardn einlon.