(Lesezeit: ca. 2:00 Minuten für an Bayern)
Juni-Wanderung rund um Beierberg
Element Erde
Wichtigs
- Leichte Wanderung durch idyllische Wälda und Wiesn mid traumhafte Ausblick; ca. 11 km; ca. 2,5 Stund
- Parkblotz: am Klosta; Eikehrn konn ma in da Klosterküch Beierberg direkt am Klosta oder im Gasthaus „zur Muih“ unterhoib'm Klosta am Loisachwehr
S' Element Erde bschreibt ned nur s' Land, de Schdoana, Fejsn und an Erdbodn sondern städ a für de lebensspendende Kraft aus da Natur vo Muada Erd. Z' Beierberg san de Leid seit jeher eng mid da Natur verbundn. S' Klosta, des ois Augustiner-Chorherren-Stift 1121 von de Ritter vo Iringsburg gstift worn is und vo 1835 bis 2013 vom Ordn der Salesianerinnen gführt worns is, prägte über Johrhundert weg an Oidog, d' Wirtschaft und Buidung da Gmoa. So hod si des Klostadorf bis heid sein ganz ursprünglichn ländlichn Charm behoidn. Heid finden im Klosta wexlnde Ausstellunga vom Erzbistum Minga-Freising stod. Besucha kinna si oschliaßend im Klostagartn mit Café, oidn Obstbaam und dem Kreita-und Gmiasgartn a Auszeit in da Natur gönna oder in da Klostaküch mit regionaln Speisn vaköstign lossn. Wer neigierig auf oids Kreitawissn is, für den gibt's in da Klostaapothekn oder bei zoihreichn Vaanstoidunga da Kreiter-Erlebnis-Region Däiza Land sicherle a poor Gheimnisse ausm Reich da Natur.
FotoclubWOR.jpg "Element Erde: Beierberg")
Wanderung rund um Beierberg
Unsre Wanderung start direkt am Klosta z'Beierberg. Vo do aus gäds nördlicha Richtung über d’Klosterstrass und rechts über d'Herrnhauser Strass nunter zur Loisach. Noch da zwoatn Bruggn über d'Loisach und am Loisachkanoi biang ma rechts ob in den Ufaweg und foing da Strass noch den Häusan lings, leicht bergauf. Vo do aus hod ma an wunderscheena Blick auf's Klostsa und da Marienkirch hoach übern Loisachwehr. Unsa Weg führt uns grodaus an am Hof und am Weiha vorbei an Woid nei. Nochm Ghölz hoidn mia uns rechts bis zur Stootsstrass St2064 und gengan in Richtung Goifclub Beierberg. Dort wandern mia weida in südlicha Richtung entlang des 18-Loch-Goifblotz, durch Wälda und Wiesn durch, bis ma noch ca. 2,3 Kilometa noch rechts obbiang Richtung Boschhof. Noch weidern 1,3 Kilometern kreizen mia d'Loisach wieder und foing dem Weg bis zur Stootsstrass St2730. Dort hoitn mia uns rechts und wandern aufm Radl- und Spazierweg parallej zur Stootsstrass noch Beierberg. Am Ortseingang biang ma rechts in d'Oipmblickstrass nei und foing dera bis zum Weihaweg, welcha uns wieda zruck zum Klosta fiahrt.
Wandarutn
Bittschen aufbassn: Wegen de aktuellen Corona-Schutzmaßnahmen konns zu Einschränkunga kema. Schauns bitte vorher no de lokalen Regelungen o!
Disclaimer
Die Verwendeten Bilder und Texte (in hochdeutsch) zu dieser Wanderung wurden uns freundlicherweiße vom Fotoclub Wolfratshausen zur Verfügung gestellt.
Foto: © Sandra Ilmberger / Text: © Andy Ilmberger, Sandra Ilmberger
Für die Richtigkeit der Angaben und für Schäden jeglicher Art im Zusammenhang mit den aufgeführten Wandervorschlägen übernehmen wir keine Haftung. Dies gilt insbesondere für den Zustand der zu benutzenden Wege. Die Benutzung der Straßen und Wege erfolgt ausschließlich in Eigenverantwortung. Bei den Zeit- und Streckenanageben handelt es sich um Richtwerte. Bitte besorgen Sie sich vor Beginn einer Tour das entsprechende Kartenmaterial und ggf. die passende Ausrüstung!