(Lesezeit: ca. 2:00 Minuten für an Bayern)
Dezemba Wintaspaziergang am Degansä
Element Feier
Wichtigs
- Familienfreindlicha Wintaspaziergang am Säufer, kindawonggrecht;
- Hi- und Rückweg ca. 12km; 2,5 – 3 Stund; a Teilstreck gäd aa;
- Parkblotz: öffentliche & kostenpflichtige Parkblätz gibt's z'Wiessä; a hauffa zum Eikehrn find's in Wiessä und z'Rottach-Egern.
Spadastns am Silvestafeierwerk reissts uns olle Johr aus da „staadn Zeit“ rund um Weihnachtn. Na spuits a koa Roin mehr, dass da Winta moi wieda ned rechtzeite zu Heilig Omd gschafft hod – leida ganz zum Gegnsotz zur eigna Vawandtschaft. Sogor da lausige Somma mid oi seine Eskapaden grod' in Vergessnheit. Doch a scheens Feierwerk wirkt wia a kloana Neistart im Lebm, erst recht vo so na traumhaften Kulissn wia do am Degansä mit Blick aufm Woiberg und an Setzberg. Olladings soit ma in seim Neistart ned zvui guade Vorsätz packa. Vorsätz wiang schwaar und mid weniger Gepäck kimmt ma leichta aus de Startlecha.
Übrigens, de Erfindung vom Feierwerk, so wia's ma heid kenna, stammt fei vo de Venezianern ausm spaadn 14. Johrhundert. De erforschtn, wia ma mid Schwarzpuifa strahlend bunte Liachta an Himme zaubert. Ma spricht zwar den Chinesn de Entdeckung vo Böllern zua, aber de spuitn ledeglich rund 1.000 Johr nach Christi mid de laudn Kracha umanand. Schee war's eiso do no ned – nur laud.
FotoclubWOR.jpg "Element Feuer: Tegernsee")
Wintaspaziergang am Degansä
Unser Spaziergang fangt am Bootsanlega z'Bad Wiassä o. Mia foing da Säpromenadn in südlicha Richtung noch Obwinkl und Ringsä, an Malerwinke und as herrliche Oipmpanorama immer vor de Augn. In Ringsä fiahrt unsa Weg a kurz Stückl entlang da Hauptstrass auf an extrign Fuaß- und Radlweg um d'Bucht herum. Nach da Bucht biang ma lings auf an Wandaweg ob, kreizn kurz drauf de Weißach und genga jetz an Säweg entlang bis zum Bootsanlega z'Rottach-Egan. Do gönn' ma uns a kloane Stärkung in oam der hauffan Cafés und Wirtschaftn am Ufa, bevor ma auf'm gleichn Weg zruck auf Wiassä spaziern.
In Obwinkl lohnt si a Abstecha an Aquadome, des grässte Siaßwassaaquarium Bayerns, mid ausm Degansä gspeistn Wassa, in dem 20 heimische Fischartn beobacht wern kinna (mehra unta: tegernsee.com/a-aquadome).
Fahrradrutn
Bittschen aufbassn: Wegen de aktuellen Corona-Schutzmaßnahmen konns zu Einschränkunga kema. Schauns bitte vorher no de lokalen Regelungen o!
Disclaimer
Die Verwendeten Bilder und Texte (in hochdeutsch) zu dieser Wanderung wurden uns freundlicherweiße vom Fotoclub Wolfratshausen zur Verfügung gestellt.
Foto: © Karlheinz Steinberger/ Text: © Sandra Ilmberger
Für die Richtigkeit der Angaben und für Schäden jeglicher Art im Zusammenhang mit den aufgeführten Wandervorschlägen übernehmen wir keine Haftung. Dies gilt insbesondere für den Zustand der zu benutzenden Wege. Die Benutzung der Straßen und Wege erfolgt ausschließlich in Eigenverantwortung. Bei den Zeit- und Streckenanageben handelt es sich um Richtwerte. Bitte besorgen Sie sich vor Beginn einer Tour das entsprechende Kartenmaterial und ggf. die passende Ausrüstung!