September-Wanderung von Gmund zum Degansä

Wandatipp: Unsa Wandatipp führt Sie vo Gmund üba an Hechnweg mit Säblick direkt noch Degansä. Do wartn na ois Belohnung de oa oder andere Hoibe im Degansäa Braistübal und ollahand Schmankal. Sie verlossn an Bahnhof vo Gmund üba d'Wiesseer Straß Richtung Ostn, genga a Stückl auf da Daiza Straß weida, biang an da naxtn groassn Kreizung in d'Degansäa Straß rechts nei und üba Mangfoi drüber. Glei noch da Bruggn genga Sie rechts in d'Sästraß bis zum Sä nunter und foing vo do aus dem Ufaweg für 650 Meta bis zur Wasserwacht. Do biang's na lings ob und übaquern de Bahngleis Richung Degansäa Straß. An da Degansäa Straß gäd's kurz nach rechts, Sie übaquern bei da Bushoitesteij de Straß und marschiern auf da Kurstraß in Richtung des ausgschuijldn „Tegernseer Hechaweg“ nauf. Noch de letztn Heisa in da Kurstraß macht da Weg an Bong noch links, bis kurz drauf scharf rechts a Weg obzweigt. Do genga's rechts weida in Richtung Degansä für de naxtn 950 Meta, bis zur näxtn Weggobe, an der Sie wieda rechts obbiang.

Beim näxt'n Ghöf (Untabuachberg) biang Sie links an „Degansäa Hechaweg“ ob und foing dem ausgschuijldn Weg bis noch Degansä mit ollawei scheenam Ausblick aufm Sä und und de Berg. Da Hechaweg saijba endet ca. 500 Meta vorm Bahnhof z'Degansä. Vo do aus glangt ma mit da Bayrischen Obalandbahn (BOB) a wida auf Gmund zruck. Aba wer kannt jetz' a Bier im Braistübal vaschmähn, wenn a scho moi z'Degansä is? Dozua gäd ma no rund 15 Minutn Richtung Innenstodt bzw. Säufer.