August-Wanderung zur Brachaspitz

De markante Brecherspitz ligd auf 1.683 Meta und zäid zu de bekanntesdn Beag in de Schliasäa Oipm. Vo de pyramidischn Gipfe aus gibt's an grandiosen Ausblick aufm Schliasä und an Spitzingsä. Beim scheena Weda tifft ma do vui Wanderer und Beaggeha. Doch wer des herrliche Panorama hom mechad, muas se an Gipfe hart erarbadn. Üba de zwoa bekannten Routn glangt ma auf d'Brechaspitz: de normale Routn gäd in Fischhhausen-Neuhaus los und führt oan übern Nordgrot aufm Gipfe.
Die anda Routn geht vom Spitzingsattl aus westle zur Oban Firstoim, na üban Vorgipfe und vo do üba'n Westgrot üba a Stückl ausgsetzdn Stoag mid Seilsicherung zum Gipfe; do spart ma zwar 330 Hechnmeta und a guad wos an Wegstreck, der Ostieg is aber bergsteiglerisch schwara und nur für erfahrne Bergsteiger mid na guada Ausrüstung zum geh.

Wandertipp: Vom Bahnhof z'Fischhausen-Neuhaus aus foing ma da Wuidschmidtstross und biang nochara 500 Metern rechts in d'Greaseestrass nei. Am End vo da Strass gäd d'Forststrass unterhoib an Beag o, dera mia durchn dichtn Dürnbochwoid bis nauf ans weide Hochtoi foing, bis ma zur Ankeloim kemma. Boid werd d'Streck steiler und mia steign übern Brecherspitz-Nordgrot, zletzt üba poor Feijsabsätz, zum Gipfekreiz auffe. Fürn Rückweg umrundn mia den Gipfe über d'Freidkapej und wandern vo dort wieda zur Ankelalm und übern Ostiegsweg na zruck noch Fischhausen-Neuhaus.