(Lesezeit: ca. 1:00 Minute für an Bayern)
Mai-Wanderung durch Bad Taiz
A griabigs Platzl an da lauschigen Isar
Wichtigs
- A leichte Wanderung, 12 km, um de 2,5-3 Stund
- Eikehrn konn ma in da Oidstodt z'Taiz und am Isarwanderweg z'Arzboch und Lenggrias
- Zrugg vo Lenggrias auf Bad Taiz gehts mit da Bob (Bayerische Oberlandbahn)
Bad Taiz – A griabigs Platzl an da lauschigen Isar
Spadastn's seit'm Krimi "Da Bulla vo Taiz" is Bad Taiz bis an letztn Winge vo Deitschland bestens bekannt. Doch scho bevor Ottfried Fischer oda Benno Berghammer de garstign Mörder und schamlosn Kameradn s'Handwerk glegt hod, hod si da Kurort bei Earholungssuchade grössta Beliebtheit gfreit. Un an da lauschigen Isar ois a in da scheena Marktstrass hod scho so mancher Kurgast seim Kurschatten scheene Aug'n gmacht.
Doch de Marktstrass und da Taiza Isarstand san für uns heid nur a Zwischenstation. Zui vo unsam Wandertipp is da Luftkurort Lenggrias.
Zur Wanderung: Unser Vorschlog passt zu ollen Jahreszeitn und führt durchwegs direkt am Ufer da Isar entlang. Mia startn am Taiza Bahnhof.
Vo do aus bleibm ma in da Bahnhofstrass bis zur Kreizung Soizstrass und biang na links in seibigen ei. Vo do aus führt uns da Weg über d'Soizstrass bis spaada in d'Marktstrass nei in de historische Oidstod vo Bad Taiz, wo a hauffa Geschäfda, Cafés und Wirtschaftn zum Schnuatn und dobleib'm einlon.
Am unterm End vo da Marktstrass gehn ma über d'Isarbruggn. Vo do aus hom' ma den besten Blick nauf an Kalvarienberg mit da Hl. Kreizkirch und da Leonhardi-Kapejn.
Auf da andan Seitn da Bruggn gehts am Kreisverkehr links an Isar-Fuaßweg oba, den mia gega da Strömung foing. Noch 450m genga mi unta da Bruggn vo da Taiza Umgehungsstrass.
FotoclubWOR_small.png "Bad Tölz")
Bei da Infodofe hoitn mia uns links und richtn uns an de Wegschuidl nach Arzboch.
An da Isarbruggn bei Arzboch wandern mia grodaus weida nach Lenggrias, vo do aus san's no 5 km – immer rechts flussaufwärts.
Da ganze Weg geht ohne vui Hechnmeta vo Bad Taiz bis Lenggrias durch Auenlandschofdn, Birknwäida und Wachoidaheidn, fast ollawei da Isar entlang. Mehrere Aussichtsbankal lodn immer wieder zum Rasten ei. Kurz vo da Isarbuggn z'Lenggrias lohnt se da Bsuach zum historischn Koichofa (bschuidlt).
Routendetails:
Startpunkt: Bahnhof Bad Tölz
Ende: Bahnhof Lenggries
Bittschen aufbassn: Wegen de aktuellen Corona-Schutzmaßnahmen konns zu Einschränkunga kema. Schauns bitte vorher no de lokalen Regelungen o!
Disclaimer
Die Verwendeten Bilder und Texte (in hochdeutsch) zu dieser Wanderung wurden uns freundlicherweiße vom Fotoclub Wolfratshausen zur Verfügung gestellt.
Foto: © Niklas Neubauer/ Text: © Andy Ilmberger, Sandra Ilmberger
Für die Richtigkeit der Angaben und für Schäden jeglicher Art im Zusammenhang mit den aufgeführten Wandervorschlägen übernehmen wir keine Haftung. Dies gilt insbesondere für den Zustand der zu benutzenden Wege. Die Benutzung der Straßen und Wege erfolgt ausschließlich in Eigenverantwortung. Bei den Zeit- und Streckenanageben handelt es sich um Richtwerte. Bitte besorgen Sie sich vor Beginn einer Tour das entsprechende Kartenmaterial und ggf. die passende Ausrüstung!