Februar-Wanderung „Hoch drom – zum Roß- und Buchstoa“

Heit woin ma an Roß- und Buachstoa südle vom Tegernsee durch de baorischen Voralpen wandern. Nauf gengang mehra Weg und bei a boor miass´ns trittsicher und a a Klettererfahrung hom. Mia hom für Si a oafachere Routn gwaid, de is zeitle zwar länger aber dafür ned so steil.

Mia startn mit da Wanderung am Wanderparkblotz Klamm/Gasthof Winterstubm südle vom Tegernsee. Über de B307 is da Parkblotz im Toi vo da „Weißach“ guad o zu fahrn. Mia genga vom Südn aus aufm Forstweg ins Schwarzbochtoi und hoitn uns nach wenigen Metern an de Schuidl „Roß- und Buachstoa“. Ab jetz geh´n ma auf an scheena Stoag am Boch entlang bis ma zum Forstweg zua da Buachstoahüttn kemma. Jetz foing ma links an Weg zur Buachstoahüttn und hoitn uns aufm Fuaßweg, der de Kurven vo da Forststross nauf obkiarzt. Vom Biergartn vo da Buachstoahüttn foing ma de Schuidl „Roß- und Buachstoa“ noch Südwest, z´erst flacher und na steiler de Kurven nauf zur Tegernseer Hüttn auf 1.650 Metern Höh.

Obi nehma an gleichen Weg wia nauf.