Juni-Radltour durch Beierberg

Hoch drom an da Loisachschleifn thront des Kloster Beierberg nebst Marienkirch.
S'Kloster hom's scho im Johr 1121 ois Augustiner-Chorherren-Stift gründt und im 17. Jahrhundert zur heitigen Form ausbaut. Zur der Zeit entstand a d'Marienkirch ois Pfarrkirch.
1803 hom's des Kloster entweiht und aufglöst. Seit 1835 führten Salesianerinnen im Kloster a Madlschui und am Gsundheitsheim für d'Miatta. Heid macha's im Kloster oft Ausstellunga und Veranstoitunga. D'Klosterküch stärkt mid regionalen Schmankerln.

Vorschlog für a Radltour: 
Vom Kloster aus fahrn ma mid'm Radl über d'Klosterstroß in nördlicha Richtung und biang links ob in d'Herrnhauser Straß. Mia fahrn über d'Woifratshauser Straß vo Beierberg naus und übern Erlweg Richtung Wiesn und Woid am Skilift vorbei noch Eirasburg.
In Eirasburg foing ma da Hauptstraß bis ma am End vo da Ortschaft rechts übern Feidweg ans Loisachufer kemma. Dem Loisachufer-Weg foing ma na bis Achmuih.

Vo do ob geht da Radlweg zwischen Staatsstroß und da Loisach bis auf Woifratshausn.
Kurz vo da Unterführung biang ma rechts nei Richtung Gejting, fahrn über d'Loisach drüber und radl vo do aus am Loisach-Isar-Kanal auf am richtig scheena Weg mit Bergblick zruck noch Beierberg. Unterhoib vom Kloster hoitn mia uns rechts, fahrn noamoi über d'Loisach und fahrn über d'Herrnhauser Straß nauf zu unsam Startpunkt.